Гледањето на порно филмови може да ја разбуди вашата фантазија и да делува стимулативно на вашиот секс живот, но дали понежниот пол навистина сака да ги применувате оние хард кор моменти кои ги изведуваат порно актерите?
Анкетите велат дека повеќето дами сакаат инвентивни нешта во креветот, но не се мошне воодушевени кога нивниот партнер ќе започне да им ги практикува екстремните еротски финти кои ги гледал на некое видео од сајт за возрасни.
Затоа пред да се впуштите во акција со својата сакана имајте предвид неколку нешта:
Сексот не е роботска активност, туку игра на две тела, во која е потребна хемија, спонтаност и интимност. Кога се обидувате да спроведете порно сценарио на дело губите голем дел од претходно наведените нешта и ризикувате да си го уништите водењето љубов.
Жената може да се возбуди од вашата појава, но доколку навистина сакате да ја запалите потребно е многу повеќе од тоа да ја фрлите на креветот и да започнете со сексот. Дамите сакаат да им ја продадете приказната, па дури потоа да ви се предат потполно.
Во порното секој секогаш свршува, додека во реалноста нештата стојат малку поинаку. За да го доживеете врвното задоволство треба да бидете опуштени и синхронизирани со партнерот. И токму затоа честопати порно финтите кои ги гледате во видеата едноставно не функционираат.
Наместо да се обидувате да бидете нешто што не сте, сменете го пристапот и примете поинаква стратегија. Пронајдете ја вистинската секс поза, деловите од телото каде што најмногу се возбудува и она што најмногу и се допаѓа. Сепак, внимавајте да не го претворите сексот во рутина сакајќи на брзина да поентирате.