Најновите истражувања покажуваат дека дури 80 проценти од жените додека имаат секс глумат дека доживуваат оргазам. Што е најинтересно, експертите велат дкеа тоа сепак не е толку лоша работа. Имено, некои жени глумат оргазам со цел успешно да доживеат вистински.
Во истражувањето објавено во „The Journal of Sexual Archives“, жените изнеле четири главни причини зошто го глумат оргазмот.
Имено, најчестата причина е за да не ја повредат „машкоста“ на оние со кои спијат. Другата причина лежи во стравот и недостатокот на самодоверба која се јавува од преголем притисок дека сексот мора да биде позитивно искуство, а никако негативно, додека третата причина е, во најмала рака, изненадувачка. Со истражувањето се открило дека повеќето жени глумат оргазам за да ја зголемат својата возбуда.
Оваа техника на глумење на нешто додека истото не се постигне, психолозите ја користат при лечење на депресивни луѓе – смеењето ги поттикнува хормоните кои прават да се чувствуваме среќни. Па, така и секс експертот Трејси Кокс тврди дека глумењето оргазам кај некои жени може да значи доаѓање на врвно задоволство и напоменува дека дел од жените дури во климаксот се учат да уживаат во сексот.
Жените кои учествувале во истражувањето откриле дека кога глумат оргазам, нивните партнери станувале уште повозбудени, од што дополнително се возбудувале и самите тие. Забрзаното дишење, енергичното мрдање со колковите и стегнувањето на мускулите понекогаш им помага на жените да доживеат поинтензивен оргазам.
Но, важно е да се напомене дека паровите кои се на почетокот на врска не би требало да ја користат методата „глуми додека не достигнеш вистински оргазам“, бидејќи во тој случај партнерот нема да може да ги прочита вистинските знаци кои ги испраќа вашето тело кога нешто ви се допаѓа и не ви се допаѓа, заради што нема да има можност да научи како да ве задоволи. Токму заради тоа почетокот на врската е најлош можен период за глумење на врвното задоволство.
Треба да бидете свесни дека клучот во успешниот секс и задоволување помеѓу партнерите лежи во комуникацијата. Глумењето оргазам понекогаш може да биде корисно, но никако не е задолжително.