Отворената врска изгледа како добра идеја, сè додека сопругата не реши да си ја свитка опашката и да испроба нешто ново.
Робин Риналди (50) отсекогаш се сметала себе си за добра девојка, но нејзиниот отворен брак ја претворил во нешто што најмалку го очекувала.
Во текот на својот живот Риналди спиела само со 4 мажи пред да заплива во брачните води. Токму поради тоа решила да го спроведе The Wild Oats проектот и освен со сопругот во текот на една година да може да спие со други луѓе. Во текот на тие 12 месеци имала секс со 10 мажи и 2 жени кои ги запознала онлајн, по барови и на секс часови.
Риналди го опишува својот брак како „рутина“ во која имала секс на кој му недостигал спонтаност и страст, а се случувал само еднаш во неделата. Робин решила да го спроведе својот проект откако по долги години молење да имаат дете, сопругот направил вазектомија.
-Одбивам да одам во гроб без деца и само со 4-ца љубовници. Ако не можам да го имам едното, ќе го имам другото.
Па, така таа си изнајмила апартман во кој живеела од понеделник до петок и спиела со своите љубовници. За викендот се враќала кај сопругот и продолжувала со бракот. Договорот бил да не спијат со заеднички пријатели, да не влегуваат во сериозни врски и да имаат безбеден секс. Во текот на 12-те месеци, Риналди се забавувала како со помлади, така и со постари мажи како и со две жени.
Но, откако поминал периодот за истражување на сексуалност сфатила дека повеќе не сака да му се врати на сопругот бидејќи се вљубила во еден од мажите со кои спиела.
Денес токму тој маж е нејзиниот нов партнер со кого е во моногамна врска веќе 5 години.