Извршниот директор на Tesla, Eлон Маск во една прилика изјави дека нивните модели се премногу ориентирани кон машки муштерии. Се чини дека тоа сега сака да го поправи со новиот модел X. Crossover SUV кој треба во следните неколку месеци да се појави на пазарот.
Овој тип на автомобили е еден од најдобро продаваните во САД, а жените се најбрзо растечка клиент база. Моделот X. е трет Tesla електричен автомобил во дванаесет години и е значително отстапување од спортската Roadster верзија и модел S. Автомобилите на Tesla се вистински хит бидејќи се електрични, а нивниот дизајн е футуристички и екстра модерен.
Интересно е тоа што дизајнерите на Tesla во Пало Алто, Калифорнија, собрале целна група жени и направиле истражување со цел да дознаат кои карактеристики им се допаѓаат кај Моделот X.
Најмногу им се допаѓал големиот внатрешен простор, како шансата за трет ред седишта за седум патници, со што овој автомобил и тоа како е семеен, што пак на жените им е важно.
Се очекува продажбата да започне од почетокот на септември, а цената ќе се движи од 50.000 и 70.000 долари. Од компанијата рекоа дека уште сега имаат повеќе од дваесет илјади резервации. За 2017-та од Tesla најавија нов автомобил, Model 3, чија цена ќе биде околу 35.000 долари.