Со претставувањето на целосно новата лимузина, Talisman, Renault не само што го прикажа наследникот на популарната Laguna, туку и го најави моделот наменет за глобалниот пазар.
Малку неочекувано, без голема помпа и најава, Renault на јавноста и ја претстави својата потполно нова лимузина од D сегментот, наречена Talisman.
Оваа лимузина е нешто поголема од Laguna, а дизајнерски го следи новиот правец на Renault и дискретно најавува што можеме да очекуваме од новиот Megane IV.
За сега се најавени пет агрегати, два бензинци и три дезели, сите опремени со турбо полнење. Кога станува збор за бензинците, тука е целосно новиот ТCe 150 (од 150 KS), за кој се уште немаме никакви информации, како и iTCe 200, 1,6 литарска единица од 200 коња, позната како спортско Clio RS.
Турбодизелите ги претставува релативно новиот 1.6 dCi агрегат, и тоа во три верзии, од 110, 130 и 160 коња, со тоа што најмоќниот мотор доаѓа во твин-турбо верзија, односно со два турбо полначи.
Багажниот простор има зафатнина од 608 литри. Талисман е долг 4,85 метри, широк 1,87, а висок 1,46 метри, додека меѓуоскиното растојание изнесува 2,81 метар.
Цените се уште не и се познати на јавноста.