Audi за претстојниот саем на автомобили во Франкфурт го подготви концепт возилото со кое би требало да го најави доаѓањето на новиот Q6 модел. Овој кросовер деновиве се појави на интернет, барем така велат оние кои имале можност да ги видат фотографиите на новиот концепт.
Новиот Audi Q6 ќе биде првиот во серијата на кросовер од брендот на Инголштат. Електричниот примерок кој треба да биде лансиран за околу две до три години е само почеток, затоа што Германците спремаат негова plug-in хибридна верзија и возило кое ќе биде придвижувано со помош на водород. Конкурентот на Модел-от X на Тесла во Франкфурт треба да се појави како концепт, а како ќе изгледа може да погледнете на фотографиите.
Овој новитет на Audi ќе се темели на MLB Evo платформа и ќе биде придвижуван од страна на три електрични мотори со вкупна моќност 507 КС и вртежен момент од 700 Nm. Моторите ќе бидат напојувани од батеријата со моќност од 90 kWh која треба да му обезбедат автономија од најмалку 500 км.
Дали информациите се точни во моментов не може да се тврди со сигурност. Нивната веродостојност, ќе се знае кон крајот на летото кога Ауди ќе открие повеќе детали во презентацијата спремна за Франкфурт.