Во чест на повеќе од успешниот тркачки модел 3.0 CSL, кој „газеше“ на патеките во текот на 70-те години, BMW на Pubble Beach претстави омаж на оваа легенда – концепт под името 3.0 CSL Hommage R.
Не само што ретро изгледот е заслужен за визуелната сличност со оригиналот 3.0 CSL, туку тука е и неизбежниот тркачки акцент, кој што е синоним за M верзијата, односно Motosport огранокот на баварскиот гигант.
Овој тукушто преставен 3,0 CSL Hommage R концепт е визуелно доста агресивен, со истакнати аеродинамични површини, пред се со предниот спојлер и задното крило.
Внатрешноста е ускладена со тркачкиот свет, па тука е управувачот во DTM стил, а интереснa и несекојдневнa е кацигата за возачот кој што е несекојдневен дел од опремата на возачите. Оваа кацига во себе, на визирот има интегрирано head-up дисплеј, со сите неопходни информации. Имено таа на возачот му ги прикажува идеалните движења во секоја кривина, како што е случај со многу компјутерски игри денес.