Mercedes ја објави првата фотографија на својот нов модел, кабриолет верзијата на актуелната S-класа, првата луксузна лимузина „без кров“ од Штутгард по полни 44 години!
Откако пред само два дена го откри цртежот со кој ја најави новата S-класа кабрио, Mercedes сега ја објави и првата фотографија од овој модел, кој премиерно ќе биде прикажан на авто-саемот во Франкфурт. Она што е интересно е тоа што покрај новиот модел, имаме можност да ја вадиме и последната S-класа „без кров“ (W111/W112), која се продаваше далечната 1961-ва па до 1971-та година.
Она што е карактеристично за новиот модел со интерна ознака A217, според зборовите на луѓето од Mercedes, е најголемиот платнен кров кој некогаш влегол во сериско производство. Потполно автоматизиран, повеќеслојниот кров, позади има интегрирано и задно стакло, а дизајниран е така што да потсетува на купе верзијата од минатото.