Porsche денеска го претстави рестилизираната 911 Carrera, која сега ја движи нов, 3,0 литарски твин-турбо мотор.
Авто-саемот во Франкфурт, кој започнува за една недела по прв пат ќе го нагости и „освеженото“ Porsche 911, кое во продажба ќе се најде од 12-ти декември.
Она што е најголема новост е новиот 3,0 литарски шестоцилиндричен twin-turbo мотор, кој во моделот Carrera ослободува 370 KS и 450 Nm, додека Carrera S може да се пофали со 420 „коња“ и 50 Nm вртежен момент.
Сосема очекувано, новиот омилен модел на Porsche е опремен со PDK менувач, а на располагање на возачот ќе биде и Sport Response копчето, кое доколку е активирано, обезбедува максимално забрзување од 20 секунди, секогаш одбирајќи ги оптималните параметри за работа на моторот и менувачот.
Колку е „освежена“ и брза 911-та говори и податокот дека Porsche на Nurburgring оствари време од 7 минути и 34 секунди, што е 6 секунди побрзо од „стариот“ модел, а благодарение на новата турбо технологија, 911-та воедно е и поекономична и „позелена“.
Цената на основната верзија на Carrera изнесува 94.344 евра, додека Carrera S чини од 108.505 евра. Кабриолет верзијата секако е поскапа, па carrera Cabrio изнесува 107.434, а Carrera S Cabrio 121.595 евра.