Новиот модел во понудата на Rolls-Royce е кабриолетот Dawn, кој премиерно ќе биде прикажан на авто-саемот во Франкфурт.
И додека „обичните“ автомобили се потешко го пронаоѓаат својот пат до купувачите, се чини дека на суперлуксузните и престижните автомобили им оди подобро отколку било кога.
Меѓу нив секако е и Rolls-Royce, чија гама на модели никогаш не била побогата и поразновидна, а од Франкфурт ни доаѓа нов кабриолет.
Иако е базиран на моделот Wraith, во Rolls-Royce тврдат дека скоро 80 отсто од каросеријата е нова кога станува збор за Down, а само вратата и дел од предната маска се „позајмени“ од постоечкиот модел. Од RR наведуваат дека за инспирација го имале и Silver Down Drophead од 1952-та.
Автомобилот е долг дури 5,3 метри, додека меѓуосовинското растојание е повеќе од импресивно, бидејќи изнесува дури 3112 милиметри.
Секако, во склад со димензиите, и масата не е занемарена, па Dawn е тежок дури 2560 килограми, што е за околу 200 кг. во однос на Wraith.
Освен што е удобен како и претходниот модел Wraith, новиот кабриолет го движи 6,6 литарски V12 twin-turbo мотор, ист кој се наоѓа и во моделот Ghost, а ослободува неверојатни 560 коњски сили при 5250 вртежи во минута, како и 780 Nm вртежен момент кој за 4,9 секунди ви овозможува спринт до 100 km/h.
Цената на овој модел е околу 350.000 евра.