На 7-ми март годинава, BMW слави 100 годишнина, и се шират гласини дека е можно во тек на годината да биде претставено нивното комплетно автономно возило, скоро спремно за масовна продукција.
Шефот за продажба и маркетинг на BMW, Ian Robertson, во едно интервју со списанието Autocar, наговестил дека за роденденот компанијата ќе сподели нивен продукт изработен со “next-gen” технологија, но не кажал поточно што. Се претпоставува дека тоа ќе биде комплетно автономно возило, иако тој самиот смета дека таа технологија масовно ќе заживее за некои 15-тина години, откога возилата ќе бидат комплетно безбедни а нивното возење регулирано.
BMW веќе со години тестира автономна технологија која ни ја има прикажувано ( пр. на ланскиот CES беше прикажан моделот i3 способен сам да се паркира, а претходно и M235i кој сам вози).