Познатиот руски теренец, Lada кој опстанува на пазарот речиси четири децении, ќе добие нова верзија и тоа во 2018 година, додека оваа година фабриката ќе го претстави унапредениот модел на актуелната верзија.
Називот на моделот е „Niva 3“, а како што дознаваат руските сајтови ќе биде достапен во две каросериски верзии со 3 и 5 врати, како и со голем багажен простор. Новата Lada ќе биде радикално поразлична во споредба со сегашните теренци, за што сведочи дизајнот на новите модели на Lada – Vesta и X Ray.
Се шпекулира дека теренецот ќе го добие моќниот мотор од актуелниот 1.7 литрен бензинец, а ќе добие и мануелен менувач на брзини. Како што пишуваат руските медиуми, лансирањето на новата Lada не значи дека целосно ќе се заборават старите модели, со оглед дека компанијата планира се уште да ги продава и нив.