3 Series е без сомнение најважниот модел од линијата на BMW, кој и покрај тоа што годинава е подновен со неколку подобрувања, наголемо продолжува да се развива и усовршува, за што сведочат и најновите „шпионски“ фотки од тестирањето на моделот за 2018-та.
Иако возилото е скоро сосема камуфлирано, се забележува дека носот е сличен на оној од најновата 7 Series, а според фотографиите на кои се гледа профилот, очигледно е дека ги има задржано пропорциите на тековниот модел. BMW за оваа нова генерација на 3 Series наводно ја користи шифрата G20, и планира моделот да е малку поширок (со подолго меѓуоскино растојание) од сегашниот со цел да се добие поголем простор наменет за патниците.
Претпоставките се дека основниот модел 316i ќе има 1,5 литарски 3-цилиндричен мотор од 136 коњски сили (кс), додека дизел варијантата од истиот модел ќе биде со 122кс. Моделот со 2 литарски мотор и 4 цилиндри се очекува да биде најпродаван, додека 6-цилиндричните модели исто така би биле надоградени (328i со 260кс и 340i со 365кс)
Mинатата година, според тогашните шпекулации, се појавија и некои неофицијални рендери за тоа како овој модел би можел да изгледа, а како што може да се забележи од најновите камуфлирани фотографии, одредени силуети (особено предницата) се многу блиску до рендерите.
Се претпоставува и дека идниот M3 може да користи Plug-in Hybrid System за зголемување на моќноста и намалување на емисиите од гасовите.