Mercedes X или Z Class на крајот на деценијава

На таен Австралиски дизајнерски форум се појавиле нови детали околу UTI (Utility) моделот на Mercedes кој е најавен за 2019-та, а кој е забележан како го тестираат замаскиран во шасија од Nissan Navara

(Наводно) потврдени се следниве работи:

- Овој pick-up модел ќе биде познат како Mercedes Benz X-Class или Z-Class
- ќе има 3 варијанти (base/mid/high-specification)
- две верзии на дизел мотори ( 4 и 6 цилиндрични)
- Ентериер сличен како оној од B-Class моделите
- AMG styling kit

Паралелно со протекувањето на овие информации, возилото е забележано како го тестираат замаскирано во шасија од Nissan Navara NP300, кое ќе биде користено како основна платформа (заедно сo Renault Alaskan), со цел да се заштедат дополнителни трошоци кои би ги имале Mercedes за развивање од „нула“, а потврдено е дека X или Z-Class моделите наменети за глобален извоз (Европа, Австралија, Јужна Африка и Латинска Америка) ќе се произведуваат во фабриката на Nissan во Барселона, Шпанија, а сега засега не е најавено дека воопшто ќе се извезува во US.

Со цел да се дистанцира од Navara NP300 моделот, Mercedes-овиот pick-up ќе се изработува само во dual-cab варијанта, додека спецификациите на моторите се очекува да се идентични како оние на Navara, значи

- Base и mid-specification моделите ќе имаат 2,3 литарски , 4-цилиндричен турбодизел мотор од 188 коњски сили и способност за влечење до 3 тона. Погонот ќе биде на задните тркала, со опција да се вклучи на сите 4.

- Top-specification моделот ќе доаѓа во варијанта од 4 цилиндричен дизел и 6 цилиндричен турбодизел мотор од 255 коњски сили и способност за влечење до 3,5 тона. Погонот ќе биде на сите 4 тркала, постојано.

Ентериерот се очекува да биде сличен/идентичен како оној на B-Class моделите, со тачскрин на командната табла. Top-specification моделот ќе има интегрирана сателитска навигација и камера која ќе може да ротира 360 степени.