Renault на Geneva Motor Show треба да го претстави најновиот модел на Alpine, во обична и спортска верзија, кои би требало да се слични/идентични со концептите кои беа објавени изминатата година.
Според француското издание на Auto Plus магазинот, стандардниот Alpine модел ќе има сосема нов 1,8 литарски турбо „бензинец“ мотор од 254 коњски сили, додека тркачкиот модел (модифициран од Renaultsport) би требало да има над 305. Креиран да ја означи 60 годишнината на брендот, дизајнот на ова купе е инспириран од Alpine моделите од 1960-тите и ‘70тите, a Renault тврдат дека нивниот фокус ќе биде на што поголемо намалување на тежината, со цел повеќе да се чувствува моќноста на моторот. Тоа ќе биде постигнато со модифицирање на ECU (Engine Control Unit) системот, како и на тој за ладење, со ставање на поголеми отвори за воздух во предницата и вратите. Детални технички карактеристики сè уште не се објавени, а се знае само дека моторот ќе биде во задниот дел на возилото, а погонот само на задните тркала.
Екстериерот исто така ќе претрпи промени – лаковите на тркалата ќе бидат поголеми со цел да се ставаат пошироки гуми кои би ја зголемиле стабилноста, додека предните фарови ќе бидат LED.
Цената се очекува да е околу 65.000 евра за обичниот модел, и најмалку 72.000 за Renaultsport верзијата (која би излегла во 2017-та).