Peugeot на овогодинешниот Geneva Motor Show ќе го претстави концептот на нивниот луксузен MPV (multi-purpose vehicle) модел наречен Traveller i-Lab, базиран на моделот Expert (кој исто така ќе биде претставен на саемот)
Надворешниот дизајн и не е претерано луксузен и е скоро идентичен на „обичниот“ Traveller, со таа разлика што i-Lab верзијата има темна бакарна боја, подигната предна вертикална решетка во која е сместен амблемот со лавчето на Peugeot, како и затемнети задни стакла со името на моделот. Меѓутоа, внатрешноста е сосема друга приказна – ентериерот е дизајниран стриктно за водење бизнис за време на патувањето. Темните стакла ги изолираат патниците од надворешниот свет, а помеѓу четирите индивидуални седишта (од материјалот Алкантара, во комбинација со црна кожа) е поставен огромен 32 инчен таблет кој може да се користи индивидуално, или со екран поделен на 4 помали екрани, секој со различна содржина/функција (за да секој од патниците може да го користи за сопствените потреби). Таблетот е опремен со WiFi hotspot, Bluetooth, лежишта за полнење на мобилни уреди, како и кациги за виртуелна реалност. Сето ова е овозможено во партнерство со Samsung.
Што се однесува до звукот, i-Lab има специфична акустична изолација и е опремен со 17 звучници напојувани од 3 засилувачки контролирани од DSP (Digital Signal Processor).
Со овој модел Peugeot ќе се фокусираат на овозможување на VIP патничко искуство за неговите корисници