Mitsubishi планира да ја „нападне„ SUV категоријата со неколку мали, средни и големи (хибридни и електрични) автомобили во наредните 5 години.
Нов поголем SUV базиран на XR-PHEV II
Поголем од моделот ASX, новиот (сè уште неименуван) модел се планира да го замени ASX за неколку години. Ќе биде базиран на моделот XR-PHEV II претставен на ланското Geneva Motor Show, a ќе користи мал бензиски мотор во комбинација со електричен мотор од 163 коњски сили.
B-SUV
Овој модел ќе биде помал од ASX (приближно како Nisan Juke), и ќе има само електричен погон со кој што ќе може да помине над 400км со едно полнење на батеријата. Најверојатно ќе постои и во бензинска и дизел варијанта, а се очекува да се појави на пазарот во 2018-та.
Outlander
За некои 4 години треба да се појави и новата верзија на моделот Outlander, во plug-in hybrid варијанта. Не се знае дали дизел верзијата ќе се произведува само со 5 седишта, или и со 7.
Shogun и Shogun sport
Shogun Sport може да се појави уште оваа есен – базиран на L200 пикапот, ќе има 7 седишта, 2.4 литарски дизел мотор од 178 коњски сили и опција за 6-брзински мануелен менувач, или 8-брзински автоматски. Ќе го користи super select 4WD системот на Mitsubishi во модовите за возење на чакал, кал/снег, песок и камења.
„Нормалниот“ Shogun во полна големина ќе се појави последен, во 2020 или 2021ва, кога конечно ќе го замени сегашниот модел кој е 16 години стар.