Volvo S90 е најновиот модел на оваа компанија чии први испораки се очекуваат некаде во септември. S90 ќе биде директна конкуренција на BMW 5 Series, Audi A6, Jaguar XF и новиот Mercedes E-Class
S90 ќе го замени сегашниот S80 во хиерархијата на sedan моделите на Volvo. Во споредба со него, S90 ќе биде за 3см поширок и над 10см подолг, со што ќе биде еден од најголемите (ако не и најголем) автомобил во таа класа. Овој модел ќе биде изграден врз истата SPA платформа (Scalable Product Architecture) како и наградуваниот SUV модел Volvo XC90, со кого покрај тоа ќе ги дели и истите (исклучиво) четири-цилиндрични мотори: D4 (со забрзување 0-100км/ч за 8.2сек. и емисии на CO2 од 109g/km), помоќниот D5 дизел (со забрзување 0-100км/ч за 7.3сек. и емисии на CO2 од 133g/km), како и најмоќниот (со погон на сите тркала) plug-in hybrid Т8 Twin Engine кој ќе има 320 коњски сили, емисии на CO2 од 44g/km, и три модови на работа: EV (до брзини од 120км/ч), Hybrid (кој ќе го менува погонот помеѓу гасниот и електричниот мотор), и Power (кој ќе ги комбинира моторите со што ќе се добијат 400 коњски сили и 472lb-ft вртежен момент).
На располагање ќе бидат и моделите S90 T6 (со turbocharged/supercharged 2.0 литарски мотор, 316 коњски сили, 8-брзински автоматски менувач и погон на сите тркала) и T5 (со турбо 2.0 литарски мотор, 240 коњски сили, 8-брзински автоматски менувач и погон само на предните тркала). Ќе може да се бира и помеѓу класична и воздушна амортизација.
Во поглед на ентериерот, тој ќе биде луксузен како и кај XC90 – во центарот на контролната табла ќе има 9-инчен touchscreen (во основната варијанта), а стандардна опција кај сите модели ќе бидат кожните седишта и sat-nav системот.
S90 во UK ќе се појави во две варијанти – Momentum и Inscription, каде што полуксузната (која ќе биде за некои 4000 евра поскапа) ќе нуди седишта со Nappa кожа, 12.3 инчен екран, 18 инчни бандажи, keyless влез во возилото и hands-free отворање на вратата од багажникот.
Цените започнуваат од 41 500 евра па нагоре.