Genesis (луксузниот бренд на Hyundai) на овогодинешниот New York Motor Show го претстави новиот концепт за Hybrid Sports Sedan моделот.
Genesis велат дека концептот е „модерно видување на луксузот“, за што сведочи и ентериерот кој е целосно во кожа (со акценти изработени од антрацит) , 21-инчниот закривен дисплеј, како и четирите индивидуално „извајани“ седишта.
Централниот контролен панел е поставен на средината на автомобилот и ја дели кабината на два дела, што креира чувство на лаунџ простор.
Во ентериерот е интегриран таканаречениот HMI (Human Machine Interface) – огромниот закривен дисплеј со висока резолуција (4K) кој е произведен од LG реагира на single или multi-touch потези со прсти, а е способен и да распознава ракопис. 3D контролата со гестикулации им овозможува на патниците да „префрлаат„ содржина од еден дел на екранот, во друг, само со еден потег со раката.
Дизајнот на екстериерот му даваат на овој модел изглед на GT автомобил, додека за 2.0 литарскиот турбо бензиски мотор од 245 коњски сили кој заедно со електричниот му даваат на возилото погон на задните тркала, Genesis немаат објавено никакви технички спецификации во поглед на перформансите. Единствено што се знае покрај она што го споменавме, е дека Hybrid Sports Sedan ќе има 8-брзински автоматски менувач.
