Skoda го спрема наследникот на моделот Yeti кој ќе има повеќе простор, нов избор на мотори, и треба да се појави на пазарот во 2018-та.
Овој нов SUV ќе биде изграден врз варијација на MQB платформата на Volkswagen, а ќе има сличности и со новата SEAT Ateca и Volkswagen Tiguan.
Во поглед на дизајнот, значително ќе се разликува од сегашниот модел, и стилски ќе биде многу блиску до Vision S концептот претставен на овогодинешниот Geneva Motor Show, кој е применет и на моделот Kodiaq кој официјално ќе биде претставен во Октомври на Paris Motor Show.
Новиот Yeti ќе биде многу попрактичен од сегашниот, со поголем багажник и повеќе простор за патниците во кабината. Сегашниот Yeti има капацитет на багажникот од 416 литри, додека на SEAT Ateca е од 510 литри, така што реално е да се очекува нешто слично и кај Yeti-евиот наследник.
Од Skoda велат дека нивните инженери работат на изнајдување на најдоброто решените за нив во поглед на хибридната технологија. Hybrid моделот се очекува да ги има сличните карактеристики како VW Tiguan GTE, што значи 1.4 литарски бензински мотор спарен со електричен мотор, што би требало на Yeti да му овозможи CO2 емисии помали од 50g/km, и потрошувачка на гориво од 64 km/l
Се очекува на располагање да бидат и други мотори од распонот на VW Group, вклучувајќи го и 1-литарскиот 3-цилиндричен турбо бензинец, како и 1.6 и 2.0 литарските дизел мотори.
Новата верзија на Yeti нема да се појави пред 2018-та, а почетната цена би се движела околу 20300 евра за основниот модел.