Ford Edge 4x4 кој беше претставен на минатогодишниот Frankfurt Motor Show, за неколку недели конечно и официјално ќе се појави на пазарот. Како flagship 4x4 модел во линијата на Ford, ќе се „натпреварува“ со SUV модели од типот на Audi Q5, со кој ќе бидат блиски во карактеристиките, но и визуелно.
Основниот модел (Zetec варијантата) ќе има 2.0 литарски TDCI дизел мотор од 180 конњски сили, 6-брзински мануелен менувач, погон на сите тркала (со 19 инчни бандажи), infotainment тачскрин систем со DAB радио, предни седишта со греење и ладење, како и Active Noise Cancellation систем (за активно придушување на звук).
Тitanium и Sport варијантите ќе бидат поскапи, а со нив во понудата ќе биде и појак мотор – 2.0 литарски twin-turbo дизел од 210 коњски сили, 6-брзински автоматски менувач, емисии на CO2 од 149g/km и потрошувачка на гориво од 20km/l.
Во поглед на дизајнот, предната решетка е слична како онаа од Ford Mondeo (во повеќе подигната варијанта), додека предниот капак е сличен на оној од Land Rover (кои порано биле сопственост на Ford).
Ентериерот е со 5 седишта и според Ford, има повеќе патничко место отколку ривалските midsize SUV модели од другите производители, тука вклучувајќи го и поголемиот VW Touareg. Командната табла и централната конзола се „позајмени“ од Mondeo, како и задните сигурносни појаси на надувување. На располагање ќе бидат и технологиите Pre Collision Assist & Pedestrian Detection, кои ќе користат камери и радари да детектираат опасности кои се движат со брзини од 8 до 160км/ч. Како опција ќе бидат понудени и Adaptive Steering и предна широкоаголна камера.
Почетната цена на основниот модел би требало да биде под 37.600 евра, што е пониско од основниот BMW X3.