Индискиот производител на автомобили Mahindra, го претстави својот електричен модел наречен e2o, кој според карактеристиките ќе му биде ривал на Peugeot iOn.
е2о веќе се продава во Индија, но за европскиот пазар техничките карактеристики се значително подобрени.
Автомобилот тежи 940kg, користи електричен мотор од 31kW, има 42 коњски сили и 91Nm максимален вртежен момент, со што постигнува забрзување од 0-40км/ч за 4.9 секунди, од 0-80км/ч за 18 секунди, и максимална брзина од 101км/ч.
Литиум-јонската батерија од 14kWh му овозможува да помине околу 130км со едно полнење во обичниот мод, и околу 142км во „Revive” модот (кој нуди дополнително полнење во итни случаи). Доколку се полни преку обичен електричен приклучок, потребни се 9 часа за целосно полнење на батеријата, додека TechX верзијата ќе може да се полни за 90 минути со брзо полнење до 90%.
Разликата од обичната (e2o City) и e2o TechX верзијата е тоа што покрај седишта со ткаенина, електрични прозорци, серво волан, греење и LCD дигитална инструмент табла, TechX има и клима уред, Blaupunkt sat-nav тачскрин систем, како и апликација за мобилни уреди со која можете „далечински“ да го активирате греењето и ладењето во автомобилот. Автомобилот доаѓа и со две воздушни перничиња (ABS и ESP како стандардни, и ISOFIX варијанта која се монтира на задните седишта)
Класификацијата на е2о е М1, што значи може да се вози и на автопати, иако првичната намена му е да е градски автомобил.
Почетната цена ќе му биде околу 16.300 евра