Fiat 500 е еден од најперсонализираните автомобили на пазарот, со мноштво комбинации од бои, лепенки и опции за нагодување на возилото, што ретко се случува два модела да се 100% идентични во сè. Сегa, Fiat ќе понуди и уште една варијација на овој модел, наречена 500S.
Се работи за спортска варијација која ќе нуди ексклузивни бои, нови дизајни на алуминиумски бандажи, како и многу дополнителна опрема.
Боите ќе бидат специфично сина (Italia Blue) и зелена (Alpi Green), додека полираниот метал на предниот браник и рачките на вратите ќе биде заменет со „Satin Graphite” (сатенско-графитен) финиш. Следејќи ја потемнава колор шема, задните стакла ќе бидат затемнети, а 15 или 16 инчните бандажи ќе имаат црни акценти. Сменетиот дизајн на браниците на возилото ќе му дава поспортски изглед и ќе го „залепи“ повеќе до патот, а на располагање ќе биде и 500S Cabrio варијантата, со лизгачки платнен кров.
Внатрешноста ќе остане помалку или повеќе иста како и кај обичниот модел, со црни седишта и материјал на кровот во комбинација со контрастни бои – сина, жолта или бела на панелите на вратата и ивиците на седиштат. Сите варијации ќе имаат спортски волан и сатенско графитни детали на командната табла, а како дополнителна опција ќе се нудат кожни седишта. Ќе биде вграден и најновиот 7-инчен Unconnect touchscreen infotainment систем на Fiat, кој ќе може да биде надграден со DAB дигитално радио и TomTom систем за сателитска навигација. Стандардно, сите возила ќе доаѓаат со подобрениот BeatsAudio систем со силина од 440 вати, што е одлична вест за љубителите на (гласна) музика.
Во поглед на моторите, изборот ќе биде помеѓу 1.2 литарскиот бензински или 1.3 литарскиот дизел мотор, или 2-цилиндричните TwinAir модели од 86 или 106 коњски сили.
Цената се очекува да почне од околу 15 300 евра за основниот 1.2 500S модел.