Најновото спортско возило на Bentley најверојатно ќе се вика Barnato ( базирано на концептот EXP 10 Speed 6) и на пазарот ќе се појави во наредните 3 години. Трејдмарк за ова име е регистриран пред 2 години, заедно со името на нивниот SUV модел Bentayga.
Името Barnato упатува на Woolf Barnato, поранешниот претседател на Bentley и 3 пати победник на Bentley Le Mans 24 Hours, кој се натпреварувал во 1928, 1929 и 1930. Тој бил познат како еден од „Bentley Boys” и останува еден од малкуте возачи кои победиле на секоја Le Mans трка во која што учествувале.
Пред да се појави овој модел, најверојатно (поради успехот на Bentayga SUV) прво ќе биде развиена купе верзија на Bentayga, како и помалечка „baby SUV“ варијанта со големина на Audi Q5.
Barnato ќе биде изработуван стриктно во верзија со 2 седишта, и ќе има стартна цена од околу 164 000 евра. Бидејќи реакцијата на корисниците на EXP 10 Speed 6 била феноменална, новиот модел ќе биде базиран токму на него. Во најава е и комплетно електрична верзија на EXP 10, која доколку се оствари ќе биде директен ривал на Tesla Model S.
Во новиве модели Bentley планира да инвестира над 840 милиони евра во период од 3 години, со што годинешните продажби би требало да се дуплираат до 2020та год.