Холивудскиот мегахит серијал Transformers, покрај лудите специјални ефекти кои со секој нов дел стануваат сè подобри, е познат и по тоа што во сите продолженија вклучува егзотични возила кои сè уште се немаат официјално појавено на пазарот. Тоа ќе биде случајот и со најновиот Transformers 5: The Last Knight („Последниот Витез“) чија премиера ќе биде во 2017-та, во кој „улогата„ на еден од Autobot-ите ќе ја „глуми“ најновиот Mercedes AMG GT R, кој на пазарот се очекува во 2018-та. Веста ја објави режисерот Michael Bay на неговиот twitter профил.
Црниот Mercedes ќе ја игра улогата на Autobot-от наречен „Drift”, кој во минатото продолжение се трансформираше во син Bugatti Veyron Grand Sport Vitesse.
AMG GT R, помеѓу останатите, ќе го дели екранот и со новиот Bumblebee базиран на последниот модел на Chevrolet Camaro од 2016-та, како и новиот „Barricade” кој ќе се трансформира во значително модификуван Ford Mustang од 2016-та.
За потсетување, AMG GT R ќе има 4.0 литарски twin-turbocharged V8 мотор од 577 коњски сили и 700Nm вртежен момент, и би требало на „Drift“ да му даде вистинско застрашувачко присуство на големиот екран.