Toyota лансираше нова верзија на моделот Yaris наречена Yaris Orange Edition, со почетна цена од 18.500 евра.
Како што самото име кажува, се работи за верзија во портокалова (Orange Twist) металик боја, со контрастни црни детали на каросеријата. Овој модел ќе доаѓа со 16 инчни алуминиумски бандажи, панорамски кров како и затемнето задно стакло (т.н „privacy glass”).
Портокалово-црната колор шема е запазена и во внатрешноста, каде што на одредени материјали се користени портокалови шавови, додека изгледот на инструмент панелот е подобрен со „piano black“ финиш на отворите за вентилација, централната конзола и дршката на менувачот.
Спецификациите се идентични со сегашните модели на Toyota Yaris Icon, со тоа што има подобрувања од типот на touchscreen мултимедијален систем со задна камера, контрола на крстарење и дневни LED светла.
Портокаловиов модел ќе постои само во верзија со 5 врати, додека во однос на моторите ќе може да се бира бензински 1.33 литарски VVT-I мотор со мануелен менувач или доплата за автоматски, 1.4 литарски D-4D дизел (само со мануелен менувач) или хибриден (со 1.5 VVT-i бензински мотор + електромотор, со автоматски менувач)