Според сознанијата на списанието Auto Express, Dacia планира на пазарот да исфрли сосема нов Duster во 2017-та, како и негова SUV верзија со 7 седишта (најверојатно наречена Grand Duster) во 2018-та.
Новиот Duster ќе има по „мек“ и елегантен дизајн во споредба со „коцкастиот“ кој го има сегашниот модел, а за се задржи пониска цена за изработка, ќе биде изработен врз истата платформа која сега се користи за верзијата со 5 седишта, но на која што ќе и биде зголемено меѓуоскиното растојание за да може да се смести третиот ред со седишта. Новиот седмосед ќе биде долг околу 4.7м со багажник од 650 литри (со спуштен третиот ред на седишта), додека петоседот ќе биде долг околу 4.3м со багажник од 500 литри.
Во големината Grand Duster ќе им парира на конкурентните Nissan X-Trail и Kia Sorento, но ќе има далеку помала стартна цена од нив, која би требало да се движи околу 15 000 евра.
Бидејќи Dacia отсекогаш правела возила за оние со помал буџет, во внатрешноста не треба да се очекуваат некои високотехнолошки „луксузи“ – основните модели ќе доаѓаат со електрични предни прозорци, DAB радио и челични бандажи, додека поскапите ќе имаат контрола на климата, сателитска навигација и сензор за паркирање. Најскапите модели со погон на сите 4 тркала би требало да чинат околу 21 000 евра – најскапо што Dacia некогаш наплатувале за автомобил.
Селекцијата на моторите кои се на располагање на сегашниот Duster ќе се повторува и кај новиот – ќе бидат понудени 1.2 литарски turbo бензински мотор од 125 коњски сили, како и 1.6 литарски дизел од 132 коњски сили (кој Renault го користи во моделот Kadjar).
За да се задржи ниската цена, најверојатно нема да постојат верзии со автоматски менувач, туку само со 6-брзински мануелен.