Пред околу десетина години, Honda, третиот по ред најголем јапонски производител на автомобили, вети дека ќе ја минимизира употребата на ретки метали во своите возила. Оваа недела, со претставувањето на нивниот најнов хибриден мотор, компанијата е чекор поблиску до тоа ветување. Покрај тоа, Honda е и првиот производител на автомобили кој развил хибриден мотор кој користи помалку тешки метали.
Моторот е развиен во соработка со Daido Steel (уште една јапонска компанија), и како главни компоненти ги користи магнетитe изработени од нив, а не ги користи ретките метали како што се диспрозиум и тербиум,. Материјалот чини 10% помалку и е 8% полесен во споредба со компонентите кои претходно се користеле за изработка на ваквите типови на мотори. Според Honda, новиот мотор ќе ја минимизира зависноста од скапи тешки метали кои најчесто доаѓаат од Кина (која во 2010-та привремено го сопре извозот на ретки минерали во Јапонија, откога двете земји имале одредени територијални спорови).
Новите мотори ќе бидат пуштени во комерцијална употреба оваа есен во компактниот Freed minivan, а редизајнираниот мотор сепак нема да е 100% „чист“ од ретки тешки метали бидејќи ќе содржи неодимиум (метал кој може да се најде во Северна Америка, Кина и Австралија)