Skoda додаде две нови варијации во фамилијата на популарниот Octavia модел, наречени Skoda Octavia SE Sport и SE Technology.
SE Sport е сосема нов модел кој ќе биде на располагање во хечбек и во попрактична караван варијанта. Купувачите ќе можат да бираат помеѓу 1.4 литарски TSI бензински мотор од 150 коњски сили, или 1.6 литарски TDI дизел, од кои и двете верзии ќе можат да бидат со мануелен или DSG автоматски менувач.
Стандардната опрема кај овој модел ќе вклучува 17-инчни Denom алуминиумски бандажи, xenon предни фарови со LED дневни светла и LED задни светла. Внатрешноста ќе биде опремена со спортски седишта, спортски волан, ретровизор со автоматско затемнување, сателитска навигација, WiFi конективност и контрола на крстарење.
Цените ќе започнуваат од околу 23.500 евра за бензинецот, до 27.300 евра за дизел караванот.
SE Technology ќе ja замени сегашнaта SE Business варијација на Octavia и исто така ќе биде на располагање во хечбек и караван варијанта. Сите понудени мотори се исклучиво дизел, почнувајќи од TDI Greenline III со 110 коњски сили, стандардниот 1.6 литарски TDI па до 2.0 литарскиот TDI со 150 коњски сили.
Во поглед на опремата, во SE Technology ќе бидат вградени: сателитска навигација, WiFi конективност, предни и задни сензори за паркирање и адаптивна контрола на крстарење, како и автоматски светла и бришачи.
Цените за оваа варијација ќе започнуваат од 23.400 евра за 1.6 TDI хечбекот, додека најмоќниот караван со истиот мотор и DSG автоматски менувач ќе чини околу 26.300 евра.
Сите SE Technology модели (освен 2.0 TDI со 150 коњски сили) ќе имаат CO2 емисии помали од 100g/km.