Volkswagen се посветени на нивната намера да презентираат 30 нови електрични возила до 2025-та, а првото такво ќе биде претставено на овогодинешното Paris Motor Show.
Извршниот директор на VW, Herbert Diess, тврди дека батериите на новиот автомобил ќе можат да поминат 400 до 600 километри со едно полнење, што е импресивна бројка. Сè уште не се знае дали во Париз ќе биде прикажан прототип или продукциски модел, како и дали ќе се работи за нивниот веќе претставен електричен MPV (multi-purpose vehicle) концепт, или нешто сосема различно.
Се шпекулира дека она што VW ќе го прикажат ќе биде со големина на Golf, но со багажен простор како на Passat, што е физички возможно само доколку се работи за повисоко возило, слично на мултифункционалниот BUDD-e концепт на VW кој беше прикажан во јануари на CES.
Што и да биде прикажано ќе се појави на пазарот во 2018 или 2019-та, а повеќе детали ќе се дознаваат како што се ближи датумот за Paris Motor Show.