Kode57 концептот е дизајниран од Ken Okuyama, поранешен шеф на познатото дизајнерско и инженерско студио Pinifarina и дизајнер на автомобилите Ferrari Enzo, Maserati Quattroporte, Maserati Birdcage и уште неколку кои останале само како концепти.
Kode57 дели одредени заеднички дизајнерски детали со овие модели (како оние на предницата), но има и уникатни, како што се аеродинамичките испакнатини зад кокпитот и специфичните врати кои се отвораат нагоре и наопаку.
Овој монструм од автомобил има 6.0 литарски V12 мотор со моќност од околу 600 коњски сили и масивни 21-инчни бандажи со Pirelli P Zero гуми, а ќе биде произведен во лимитиран број на возила.
На Kode57 има работено и Novitec Rosso од Ferrari, кој може да ја модификува амортизацијата според потребите на купувачите – на пример, да се подига за 45mm при паркирање и градско возење.
Внатрешноста е изработена од рачно правени кожа и велур, а вградени се и клима уред, електрични седишта и прилагодлив волан.
Името „Kode57” е инспирирано од годината 1957, која, според зборовите на Okuyama, е година кога биле родени многу легендарни модели на автомобили и кога моторните трки стекнале следбеници низ целиот свет.