Новата верзија на CC, купето на VW со 4 врати базирано на моделот Passat, е забележано за време на тестирање пред неговото официјално претставување идната година.
И покрај степенот на маскирање, јасно се забележува дека новото CC ќе биде значително позаоблено од Passat-от, со екстериер базиран на концептот Sport Coupe GTE прикажан на Geneva Motor Show во 2015-та. Предницата е слична на Passat но е позаоблена, додека на задниот дел се наоѓаат големи LED светла како оние на концептот, иако сè уште не е познато дали истите ќе останат и на продукцискиот модел.
Изгледот на ентериерот не е познат, но се очекува да биде многу сличен со оној од „нормалниот“ Passat, исто како и тоа дали CC ќе доаѓа со 5 седишта (како сегашниот модел), или со 4 седишта и централна конзола.
VW CC ќе биде изработен врз истата платформа како и новиот Passat, но со модификувана амортизација за поспортско возачко искуство. На располагање ќе бидат 4-цилиндричните turbo бензински и дизел мотори од линијата на Volkswagen, а можно е во CC GTE верзијата да биде вграден моторот од концептот од 2015-та, кој е 3.0 литарски бензинско-електричен plug-in hybrid од 380 коњски сили, со потрошувачка од 50km/l и CO2 емисии од 46g/km.