BMW 8 Series ќе се врати во облик на голем, луксузен GT (grand tourer), кој веќе е забележан на шпијунски фотографии.
Може да се види дека стилски е многу сличен со моделите од помалата 4 Series и со оние од сегашната 6 Series, како и дека има потесни фарови, како старите 8-ци.
Повеќе детали за автомобилот се откриени од AutoExpress преку апликацијата за trademark на компанијата, на која се гледа дека се регистрирани имињата, т.е броевите на моделите: 825, 830, 835, 850, 845, 860 и M850
Одлуката на BMW да ја воскресне 8 Series најмногу се темели на фактот што компанијата се има предомислено што нивната 6 Series треба да претставува. Таа требало да биде спортска, но потешка и поголема од останатите автомобили во таа класа, но со појавувањето на Mercedes-AMG GT како конкурент на Porsche 911, BMW се решиле нивната 6 Series да им биде ривал, бидејќи се работи за агилен спортски двосед.
BMW исто така го регистрирале и името M8 – моделот кој оригинално требало да се појави во раните 90-ти кога компанијата креирала прототип со V12 мотор (кој завршил во McLarenF1), но кој не почнал сериски да се произведува поради недостаток на побарувачка од муштериите. Овој модел би бил ривал на автомобили од типот на Mercedes-AMG S63 Coupe, и би можел да го користи BMW-овиот twin-turbocharged 4.4-литарски V8 мотор од 253 коњски сили, што би овозможило V12 моторот од 7 Series да се користи во „обичните“ 8 Series модели како 850 и M860.