По видео претставувањето на Lamborghini Centenario купе верзијата пред неколку месеци, неговата кабриолет верзија беше прикажана на 2016 Paris Motor Show.
И двата модела се направени оваа година во чест на 100-годишнината од раѓањето на Fеrrucio Lamborghini (основачот на компанијата), обата во лимитиран број – само 20 возила од секој модел. И покрај исклучително високата цена од околу 2 милиони евра, сите тие се веќе распродадени.
Стајлингот на Centenario е сличен како оној на моделот Aventador, но во типичен “Lambo“ стил е донесен до екстрем. Острите рабови и набори, како и супер-ниската поставеност на каросеријата на Centenario Roadster се идентични како кај купе варијантата, минус кровот кој ионака не влијае премногу на дизајнот.
И двата модела имаат 6.5 литарски V12 мотор од 770 koњски сили, што им овозможува забрзување од 0-100км/ч за само 2.9 секунди и максимална брзина од над 350км/ч, благодарејќи на системот со погон на сите четири тркала.
Каросеријата е изработена од carbon fibre monocoque материјалот, а возилата нудат и управување на задните тркала, како и web radio и Apple CarPlay.