Цивилизираниот свет уште од 1920-тите сонувал за летечки автомобили, а компании како Google и Uber веќе развиваат свои проекти за да го овозможат ваквиот тип на воздушен транспорт.
На овие компании сега се приклучува и Airbus со својот проект Vahana – автономно VTOL (Vertical Take-Off and Landing) возило. Бидејќи полетуваат и слетуваат вертикално, на ваквите возила нема да им треба писта, и ќе можат да функционираат и како таксија, поточно да нудат услуга слична на онаа на Uber.
Според Zach Lovering, директорот на овој проект, Airbus VTOL ќе биде електрично возило за еден патник кое ќе биде спремно за производство уште во 2020, а ќе биде опремено со радар и камери – опрема која ја има во автономните возила за да можат самите да пилотираат.
Пред сето ова да стане реалност, компаниите ќе мора да се соочат со огромен број на регулации и одобрувања од FAА, Американската федерална администрација за авијација.
Според Airbus, уште во 2030 ваквите летечки возика ќе бидат вообичаени во мега-градовите.