Volkswagen го претстави новиот спортски Passat GT во форма на концепт, кој наскоро треба да се појави на американскиот пазар и е базиран на северно американската верзија на моделот Passat.
Passat GTI, според VW, има над 20 дизајнерски измени, очигледно инспирирани од Golf GTI моделот , а најмногу се забележуваат додатоците на предниот дел како што се новата honeycomb решетка на предниот браник, и црвените акцент линии над агресивниот браник и отворите за воздух.
Овој модел ќе доаѓа со 19 инчни “Tornado” алуминиумски бандажи и кочници со црвена маска, LED предни фарови, како и дупли издувни цевки на ауспухот.
Ентериерот исто така ќе биде уникатен, со carbon-fibre парчиња низ кабината и на инструмент таблата, и сиво-црни спортски седишта со контрастни шевови.
Под сите овие козметички подобрувања се наоѓа 3.6 литарски TSI VR6 мотор од 280 коњски сили со 6-брзински DSG dual clutch менувач.