Bentley Continental GT моделот постои веќе 13 години, но и покрај големот број подобрувања, изгледот, технологијата и архитектурата му се немаат значително променето за тоа време.
Тоа ќе се промени со помоќна, поекономична и полуксузна наредна генерација која Bentley планираат да ја претстават во 2018-та.
Клуч за ова ќе биде редизајнираната шасија која ќе се наоѓа под ова купе со две врати. MSB платформата, која ја користи и новото Porsche Panamera, е значително полесна од архитектурата која ја користи сегашниот Continental. Новата шасија ќе го олесни моделот за околу 150kg, благодарејќи на новото алуминиумско тело и новите мотори.
Предводните модели ќе доаѓаат со новиот 6.0 литарски W12 мотор од 608 коњски сили кој првпат се има појавено во Bentayga SUV, а понудени ќе бидат и послаби 4.0 литарски V8 twin turbo мотори.
Извршниот директор на Bentley изјавил дека постои интерес за plug-in hybrid верзија од новиот Continental, која се очекува да ја превземе комбинацијата од Porsche Panamera E-Hybrid – 2.9 литарски V6 бензински мотор, и електричен, кои во комбинација ќе имаат моќност од 460 коњски сили
Компанијата најверојатно за првпат ќе претстави и дизел варијанти од овој модел, со 4.0 литарски twin-turbo V8 моторот од Bentayga.
Шпионските фотки покажуваат дека купето ќе превземе многу елементи од EXP 10 Speed 6 концептот претставен на минатогодишното Geneva Motor Show, од кој ќе произлезе нов спортски двосед најверојатно наречен Barnato – додека Continental ќе има попрактичен 2+2 распоред на седишта.
Continental GT верзијата ќе се појави прва, по која ќе следи кабриолетот GTC