BMW го претстави M Performance стајлингот и надоградувања на нивната најнова 5 Series, кој на пазарот ќе се појави во февруари 2017-та.
Визуелните надоградби се состојат од финиши во carbon-fibre материјал на неколку места – долниот дел од предниот спојлер, задниот дифузер, спојлерот на поклопецот од багажникот, и ретровизорите.
Алтернативно, предниот сплитер и задниот дифузер можат да бидат финиширани и во црн полиуретан, еднаков на оној аплициран на предната „бубрег“ решетка, и страничните налепници.
M Performance моделите ќе доаѓаат со 20 инчни бандажи, во двобоен финиш или во сива нијанса наречена Orbit Grey.
Промените внатре во кабината се помалку драматични – спортскиот волан е финиширан во кожата алкантара со црвен акцент и контрастни сиви шавови.
Некои од моделите ќе добијат и други видови на подобрувања, па така 540i ќе има M Performance Power & Sound Kit, со 6-цилиндричен турбо мотор од 360 коњски сили и 550Nm вртежен момент.
530d дизел моделот исто така ќе биде подобрен – 6 цилиндричниот мотор ќе добие 30 коњски сили повеќе, и ќе има моќност од 290 коњски сили и 650Nm вртежен момент.
Од BMW велат дека надоградувањата во перформансите нема да влијаат на потрошувачката на гориво и CO2 емисиите.
На сите модели ќе бидат вградени подобри спортски кочници, со полесни дискови со црвен финиш.