Rolls-Royce објави нови информации во врска со развивањето на нивниот SUV модел Cullinan врз кој се вршат финалните тестирања пред да се појави на пазарот во 2018-та.
Новите шпионски фотографии на ова ултра луксузно возило со 4х4 погон конечно го прикажуваат во неговата каросерија, за разлика од неколкуте претходни пати кога беше фотографирано замаскирано со каросеријата од моделот Phantom.
Фотографиите се објавени како обележје на почетокот на неговото јавно тестирање, кое отсега ќе се одвива на јавни патишта – што значи во иднина може да се очекуваат мноштво шпионски фотографии кои ќе го прикажуваат возилото во сè повеќе детали.
По божиќните празници овој тест модел се очекува да патува на север, каде ќе биде тестиран на студено време во арктичкиот круг, додека подоцна во 2017 ќе биде тестиран во екстремните жештини на Блискиот Исток.
Rolls-Royce порано годинава го имаат потврдено развојот на сосема нова алуминиумска архитектура за Cullinan, платформа која евентуално би била користена и во наредната генерација на моделот Phantom, за што сведочи и запирањето на производството на сегашната генерација на тој моделот. Cullinan се пчекува да има и сосема нов систем за амортизација, како и погон на сите тркала.