Bentley планираат да претстават побрза и редизајнирана верзија на Bentley Bentayga SUV, како и нова спортска варијанта. Новиот SUV ќе биде стилски сличен на BMW X6M, но поскап и побрз од него.
Bentayga SUV купето ќе се појави на пазарот во 2017-та, а можно е како концепт да биде прикажан на Geneva Motor Show во март наредната година.
Овој модел ќе биде наменет за да постигнува подобри перформанси на патот, отколку надвор од него (за разлика од повеќето други SUV модели), ќе има 4 врати, 4 седишта, и помалку простор во багажникот во споредба со „обичниот“ Bentayga, но за разлика од него ќе има многу по агресивен стил – со поголеми браници, тркала (со 22 инчни бандажи), спортски дизајн и поголема аеродинамичност.
Се очекува новиот модел да ја користи унапредената верзија на 6.0 литарскиот W12 мотор од Bentayga, што би му овозможило забрзување од 0-100км/ч за неколку десетинки помалку од 4 секунди, колку што е забрзувањето на сегашниот модел. Исто така в предвид доаѓа и максимална брзина од околу 320км/ч/.
Во меѓувреме, додека се појави супер-купе верзијата, Bentley имаат потврдено дека ќе има уште две верзии на регуларната Bentayga – една со турбодизел мотор произведен од VW Group, и една со хибриден погон, комбинација од бензински и електричен мотор. И двете ќе се појават на пазарот во наредните 12-18 месеци.
Bentley Bentayga SUV купе варијантата се очекува да има стартна цена од повеќе од 190 000 евра.