Откако претходните денови беше претставена новата 2017 Skoda Octavia vRS, сега се појавија и првите слики и детали за Scout караван варијантата. Новиот модел со фејслифт ќе се појави во продажба во почетокот на 2017, со разни дизајнерски и технолошки подобрувања.
Како и кај останатите варијации на 2017 Octavia серијата, најзабележителни промени има претрпено предницата, со новите „поделени“ фарови и опционалната LED технологија, а редизајнирана е и решетката и браниците.
Задните светла се LED, a познатиот Scout стајлинг вклучува и додатоци како предни и задни пропадни плочки, како и зголемена височина на возилото за 3цм, што го подобрува пристапот и напуштањето на погруби терени.
Иако нема објавено слики од ентериерот, се знае дека Scout ќе го има истиот нов touchscreen infotainment систем како и останатите модели од Octavia серијата. Поскапите варијации ќе доаѓаат со 9.2 инчен екран со WiFi Hotspot технологија, а ќе бидат понудени и функции за асистирање на возачот како асистент при користење на приколка, асистент за предупредување за сообраќајот зад возилото, и подобрен асистент за автономно предно кочење.
Новата Octavia Scout ќе доаѓа со избор од два 2.0 литарски дизел мотор – основниот ќе има 150 коњски сили, 6-брзински мануелен менувач, од 0-100км/ч ќе забрзува за 9.1 секунди, а потрошувачката ќе му изнесува 20km/l. Помоќната варијанта ќе има 183 коњски сили, 7-брзински автоматски DSG менувач, од 0-100км/ч ќе забрзува за 7.8 секунди, додека CO2 емисиите ќе бидат 133g/km.