Infinity го претставија концептот за моделот QX50 пред неговото деби на Detroit Auto Show, и иако се работи за концепт, делува сосема спремен за продукција. Компанијата го нарекува овој кросовер модел “еволуција на QX Sport” концептот, со кој што е скоро сосема идентичен.
Промени има во браниците и алуминиумските странични прагови, а крајниот резултат е модел кој ја пополнува празнината помеѓу помалечкиот QX30 и големиот QX60
Infinity QX50 изобилува со импресивна технологија – моторот му е 2.0 литарски турбо со 4 цилиндри и варијабилна компресија од сè помеѓу 8:1 до 14:1, што резултира со моќност од 270 коњски сили и 390Nm вртежен момент. Од Infinity велат дека 4 цилиндричниот мотор би требало да е за 27% по ефикасен отколку V6 мотор со слични карактеристики. Со новиот мотор, QX50 ќе има погон на предните тркала, а опцијата за погон на сите тркала останува како можност.
QX50 ќе има вградено и прв спремен за продукција ProPilot полу-автономен систем, за кој компанијата не кажува премногу освен дека ќе може да се справува со тргни-застани сообраќајот на автопатиштата. Според описот, може да се претпостави дека функционалноста на системот е идентична како онаа претставена во Nissan Serena миниванот во Јапонија.
Други детали како ентериерот, цената, и повеќе информации за технологијата вградена во QX50 ќе се дознаат по неговото целосно деби во Детроит.