На CES 2017 во Лас Вегас, Toyota го претстави Concept-i – концепт на складно, футуристичко возило за кое компанијата се надева дека ќе го демонстрира нејзиното размислување дека создавањето на возилата од иднината треба да започне со луѓето кои што ќе ги користат, во прв план, притоа мислејќи дека нема да е доволно само да се опремени со технологии за конективност и автоматизирање, туку дека и самото возило ќе треба да е во постојана комуникација со возачот.
Како што се гледа од сликите, автомобилот има невообичаен дизајн, а ќе нуди и подеднакво уникатно корисничко искуство.
Напојуван од вештачка интелигенција (AI) наречена „Yui”, автомобилот учи за возачот, набљудувајќи сè што е поврзано со него – од дневниот распоред на обврски, до возачките навики, брзината на реакциите при возење, како и емоциите. Комуникацијата помеѓу Yui и возачот нема да е базирана само на глас, бидејќи ентериерот е дизајниран така што Yui може да користи светлина, звук и допир за да пренесе одредени информации.
За разлика од останатите слични концептуални возила кои биле прикажани по разни саеми или останале како концепт на „хартија“ или во виртуелна симулација, Concept-i ќе биде тестиран на патиштата во Јапонија наредните неколку години.
