Porsche има план да ја прошири понудата на SUV модели со нов купе модел базиран на наредната генерација на Cayenne. Овој модел ќе биде ривал на BMW X6 и Mercedes-Benz GLE Coupe, a веќе е забележан и првиот прототип за тестирање.
Фотографиите покажуваат дека Porsche се сè уште во раната фаза на развивањето на овој модел, бидејќи прототипот ја има каросеријата од Panamera моделот, но малку повисока и поширока.
Се претпоставува дека погонот на прототипот е или комплетно електричен, или хибриден, а тоа може да се заклучи од знаците кои предупредуваат за волтажа на некои до вратите. Новиот Cayenne инаку ќе биде базиран на истата платформа врз која е направен и Panamera, во кој веќе има вградено plug-in хибридна технологија.
Сегашниот Porsche Cayenne е во производство уште од 2011, па така се очекува дека новиот ќе се појави што поскоро, со купе моделот веднаш по него. Изборот на мотори и менувачи, вклучувајќи ја и електричната технологија која овие модели ќе ја користат, ќе биде идентичен помеѓу двата Cayenne модели.