BMW ја прикажа понудата од најновата 4 Series која треба да се појави годинава. Новите автомобили имаат претрпено мал фејслифт, вградено нова технологија во кабината, понудено нови опции за менување на стајлингот, како и M Performance стајлинг пакети.
Визуелните измени се сведени на минимум, освен новата технологија за фарови со комплетно LED шестоаголни предни фарови инспирирани од оние од новата 5 Series. Задните светла се исто така LED
На располагање се и нови дизајни за 18 и 19 инчните алуминиумски бандажи, како и две нови бои за каросеријата – Snapper Rocks Blue ( нова нијанса на тиркизна) и Sunset Orange (црвено-портокалова).
Кабината исто така има претрпено мали измени – одредени елементи во отворите за воздух, контролните панели на вратите и прекинувачот за кровот во кабриолет верзијата сега имаат електроплатиран финиш, додека контролите за климата и аудио системот се хромирани.
Системот за навигација од Infotainment системот има нов кориснички интерфејс, а во дополнителните опции е додаден мултифункционалниот инструмент дисплеј на BMW
Изборот на моторите е идентичен како оние кај сегашниот модел, со тоа што новата 4-ка има подобрен систем за амортизација (поцврст од сегашниот) и управување.