Ford го претстави новиот, подобрен Mustang GT кој на пазарот треба да се појави наредната година.
Подобрувањата се суптилни, но забележливи – има нов преден браник и спојлер, како и нови воздушни отвори, а сменет е и изгледот на предните фарови кои сега се потенки и со специфични нови индикатори.
Во поглед на моторите, Ford во Европа ќе го нуди Mustang GT со два избора: 5.0 литарски V8 и 2.3 литарски 4-цилиндричен Ecoboost мотор кој ќе биде вграден во основниот модел.
V8 верзијата е преработена да има поголема моќност, но компанијата сè уште не објавила колкава таа ќе биде.
Сменета е и понудата на системите за менување – 6-брзинскиот менувач е адаптиран да има оптимален вртежен момент и кај двата модели, а оној кој ќе биде вградуван во V8 моделот ќе има ново квачило со две плочки. Се шпекулира дека како опција ќе се нуди и нов 10-брзински автоматски менувач, кој би го заменил 6-брзинскиот.
Новиот Mustang ќе добие и нова амортизација, а како дел од Performance пакетот ќе бидат понудени MagneRide амортизери.
Ентериерот ќе остане помалку или повеќе ист со сегашниот, со тоа што како дополнителна опција ќе биде понудена нова 12 инчна LCD инструмент табла, која ќе ги замени традиционалните аналогни мерачи.