Сосема нов комплетно електричен хиперавтомобил наречен Dendrobium ќе биде претставен на Geneva Motor Show, со глобално откривање закажано за 7-ми март.
Концептуалното возило прикажано на тизер сликите е дело на сингапурскиот специјалист за електрични возила Vanda Electric. Компанијата ги користи и услугите на Williams Advanced Engineering – технолошкото крило на Williams Group и Formula 1 тимот – како технички партнер кој помага во развојната фаза на овој автомобил.
Од Vanda Electric велат дека влијанието на Williams ќе биде забележливо во моторите, батеријата и аеродинамиката на возилото, како и дека вратите и кровот ќе се отвораат синхронизирано, слично на комплетно отворен цвет од Орхидеја ( Dendrobium е инаку вид на овој цвет).
Компанијата нема објавено никакви официјални информации во поглед на моторот на концептуалното возило, но разни извештаи добиени од повеќе извори на интернет сугерираат дека Dendrobium може да има моќност од 1520 коњски сили, и забрзување од 0-100км/ч за 2.5 секунди.
Овој автомобил е радикално различен од останатите возила на Vanda Electric – сингапурската компанија досега има дизајнирано мали електрични камиони наречени Ant Truck, со домет од 100km и можност да носат товар до 1 тон, како и Motochimp – мало електрично моторче со домет од 60km.
Повеќе детали за Dendrobium ќе бидат објавени во наредните неколку недели