Fiat наредната недела на Geneva Motor Show ќе ги прослават 60-те години постоење на моделот 500, односно популарното „Фиќо“ со специјална лимитирана верзија на нивното супермини возило, оддавајќи почит на оригиналниот автомобил кој на пазарот првпат се појавил во 1957.
Наречена Sessantesimo (во превод „60 годишнина“), оваа верзија ќе биде на располагање само како 500C кабриолет модел кој ќе биде офарбан во две бои - бела и пастелна слонова коска, со хромирани детали како ретровизорите, и нови 16 инчни алуминиумски бандажи.
Производството на Sessantesimo ќе биде ограничено на 560 возила, кои ќе имаат ексклузивен беџ со таа бројка поставен и надвор и внатре.
Ентериерот ќе има кожни седишта и ретро винилна командна табла, а од модерните додатоци тука ќе се кожниот мултифункционален кожен волан и 7-инчниот touchscreen од infotainment системот кој ќе нуди Bluetooth конективност, сателитска навигација, како и компактибилност со Apple CarPlay и Android Auto.
Sessantesimo ќе има и задни сензори за паркирање, како и автоматска контрола на климата, а цената сè уште не му е објавена.
На Geneva Motor Show, покрај овој модел, Fiat ќе го откријат и новиот S-Design трим на 500X и Tipo, како и 124 Spider Europa.