Најновиот модел на McLaren кој ќе биде ривал на новите модели на Ferrari и Porsche е наречен 720S, и претставува нов суперавтомобил од оваа компанија.
720S има 4.0 литарски twin-turbo V8 мотор од 720 коњски сили со 770Nm вртежен момент, забрзување од 0-100км/ч за 2.9 секунди, и максимална брзина од 340км/ч/
Потрошувачката на овој модел (за која веруваме неговите сопственици и нема да се премногу загрижени :) ) ќе изнесува 10.4km/l , додека CO2 емисиите ќе бидат 249g/km.
720S е изработен од лесна Monocage 2 структура од јаглеродни влакна, а дизајнот му е исклучително аеродинамичен – отворите за воздух се во вратите (преку кои влегува кон моторот кој се наоѓа во средина на возилото), а предните LED фарови се со дизајн кој овозможува на воздухот да се движи околу нив со што се подобрува ладењето, додека на задниот дел има pop-up воздушна кочница која произведува 30% поголем потисок отколку онаа кај моделот 650S.
Внатре, кабината е комбинација на луксуз и најмодерна технологија, со дисплеј за возачот кој може да се користи превиткан каде ги прикажува само основните податоци, и „развлечен“ во вертикала при што повеќе податоци се прикажуваат подетално.
Преку втор, 8 инчен екран, се контролира навигацијата, климата, како и опциите на infotainment системот кој вклучува и B&W аудио систем.
Цените за McLaren 720S ќе започнуваат од 240 000 евра па нагоре.