„Кула за полнење“ е концепт креиран за потребите на ново урбано здание во Шангај од Ennead Lab, истражувачкиот огранок од компанијата Ennead Architects од Њујорк.
Тоа е идеја која предвидува што би ги заменило сегашните бензински станици во иднината каде електричните автомобили ќе доминираат на патиштата.
Една кула ќе има повеќе нивоа каде автомобилите ќе можат да се сместат и ќе претставува паркинг структура повеќе отколку „бензинска станица“, бидејќи полнењето на електричен автомобил трае многу повеќе отколку пумпање бензин.
Кулата ќе може да ја користат и возачи на кои им се брза, бидејќи ќе вклучува опција за стандардно и „супер полнење“ – станиците за стандардното ќе се наоѓаат на погорните катови, додека за брзото ќе бидат на приземјето, и тие ќе се користат како традиционалните бензински пумпи.
Стандардното полнење на повеќето електрични автомобили побарува околу 5 часа за целосно полнење на батерија со домет од 160км, додека „супер“ полнењето тоа го прави за 25 минути.